Kryeministri Rama nga Tropoja përsëriti pothuajse të njëjtat batuta që ka bërë në të gjitha takimet e tij elektorale. ‘’Luli që fle gjumë, ora që kishte mbetur në vend’’, e të tjera si këto. Po ditën e sotme ai shtoi një element të ri.
Sipas tij Basha ka shkuar aq larg me premtimet e tij sa tashmë u thotë njerëzve që do t’iu ringjallë nënë e babë.
Do thoni ju si tia bëjmë që kemi në zemër Salin dhe zemrën e zemrës Lulin. Unë ju them që mbajini në zemër, por vota nuk është çështje zemre.
‘’Luli ka dalë tani dhe ju premton nënë e babë, madje nëse dikush nuk e ka nënën dhe babën ti thojë Lulit. Çfarë nuk iu tha tiransve, o do ju bëj tramvaj, o do ua bëj çmimin e bukës si me ble fara kungulli dhe çbëri pastaj vajti dhe ja futi gjumit. Unë Lulin e njofta më besoni nuk është djalë i keq.
Thotë për mua Edi Rama me çitjane, Edi Rama me tuta, se çi duhet me çitjanet e mija nuk e di. Po ama artist i madh është se sa hap kamerën arrin të flasë. Mirë PD-ja po këto Partitë e tjera ç’duan. Dalin në televizor dhe premtojnë mijëra vende pune. Unë ju jap një këshillë kur shihni këto në televizor, edhe ata analistët që sa hapet televizori bëjnë sikur interesohen për hallet e këtij vendi. Për çfarë tia jepni votat partive të vogla që duan zyrat që të rriten vetë.
Të kesh biletë për të parë finalen e Champions League, që unë e kujtoj me dhimbje. Nuk mund të rrish besnik i partisë si me qenë skuadër futbolli, partitë që pastaj të hedhin në Valbonë, çfarë Valbone thuaj se Valbona është e pastër, është njësoj sikur të hedhin në Lanë. Në fund fare keni të fala nga Saliu, keni të fala nga Luli’’, u shpreh Rama.
Nuk harroi në fund kryeministri as t’iu bënte të fala tropojanëve nga Saliu. Sipas tij dhe vetë ai e di që nën qeverisjen e Partisë Socialiste vendi do të jetë më mirë. (E.K/SHUPLAKA)
