Çdo mbrëmje në familjen e Fredit dhe të Marjetës është një makth i vërtetë, pasi banesa mund të shëmbet nga çasti në çast. Bashkë me ta, të njëjtën frikë ndjejnë dhe dy vajzat e tyre.
Vajzat janë të moshës 11 dhe 6 vjeç. Marjeta tregon se përballet me sëmundjen e depresionit, e megjithatë ajo punon në një fasoneri të Devollit. Ajo tregon se nuk merr ilaçet për shkak se nuk ka mundësi ekonomike.
‘’Kam tre vite që shkoj në Bashki dhe nuk më ndihmon askush”, thotë Marjeta. Ndërkohë Fredi tregon se ai vetë e ka të pamundur që të ketë një punë.
‘’Askush nuk na ka ndihmuar, sytë i kemi nga ju”, kështu shprehet për ‘’Fax News” kryefamiljari. Gjithçka që ata kërkojnë është një banesë ku të mund të fusin kokën pa frikën e shembjes së çatisë.
Vajza e madhe Luçi ka gjetur strehë te mësimi, ndërsa tregon se është nxënësja e parë e klasës, në mënyrë që të ketë një të ardhme.
(E.K/FAXWEB)
https://www.youtube.com/watch?v=fEcBjrEox20&feature=youtu.be
Discussion about this post