Ministria e Shëndetësisë dhe Mbrojtjes Sociale ka përditësuar informacionet në lidhje me kontrollet që po bëhen ndaj rasteve të personave që dyshohet se janë prekur me koronavirus.
Deri më tani sipas minitrisë, janë testuar 13 persona dhe asnjë nuk ka rezultuar pozitiv ndërsa në mbrëmje ka përfunduar testimi i pesë rasteve të dyshuara për koronavirusin COVID-19.
Më tej ministria bën thirrje të gjithë qytetarëve që kanë udhëtuar nga vendet e prekura, të telefonojnë në numrin e Urgjencës Kombëtare 127, në rast të shfaqjes së çdo shqetësimi apo shenje klinike.
Reagimi i plotë:
Testohen 13 raste, Ministria e Shëndetësisë, zyrtare: Asnjë rast i konfirmuar me koronavirusin COVID-19
Ministria e Shëndetësisë informon se në mbrëmje ka përfunduar testimi i pesë rasteve të dyshuara për koronavirusin COVID-19, të cilat kanë rezultuar negative.
Ministria e Shëndetësisë konfirmon se deri në këto momente, nuk ka raste të konfirmuara të koronavirusit COVID-19 në vendin tonë dhe janë testuar gjithsej 13 raste të dyshuara, me histori udhëtimi me vendet e prekura nga shpërthimet komuntare të koronavirusit.
Ministria e Shëndetësisë dhe Mbrojtjes Sociale dhe Task Forca për parandalimin e depërtimit dhe përhapjes së koronavirusit të ri, u bën thirrje të gjithë qytetarëve që kanë udhëtuar nga vendet e prekura, të telefonojnë në numrin e Urgjencës Kombëtare 127, në rast të shfaqjes së çdo shqetësimi apo shenje klinike.
Ministria e Shëndetësisë dhe Mbrojtjes Sociale informon qytetarët se do të ofrojë informacione të përditshme, ashtu siç ka bërë deri më tani, në funksion të transparencës dhe informimit të publikut.
(F.GJ/FAXWEB.AL)
Discussion about this post