Vrasja në një lokal në Vlorë e një 33 vjeçari dhe plagosja e tre personave të tjerë tronditi jo pak qytetin. Në momentin që në lokal ka ndodhur krimi në lokal ka qenë e pranishme dhe këngëtarja Blerina Balili.
Ajo që këndonte në lokalin ‘Fiks Fare’ gjatë kohës që ndodhi ngjarja, por fatmirësisht nuk u lëndua. Herë pas here ajo ishte e ftuara e veçantë e lokalit me performancat e saj ‘live’.
Balili është një këngëtare e njohur në zonën e Vlorës dhe jugut për këngët e saj kryesisht të muzikës popullore.
Madje këngëtarja kishte njoftuar në faqen e saj të ‘Facebook’-ut se do të këndonte mbrëmë në atë lokal, ku ndodhi ngjarja e rëndë. Ndoshta me këngëtaren ka qenë me vete dhe fati.
NGJARJA:
Policia e Vlores informon: Rreth orës 23:20 minuta (20 prill 2o17) një person ende i paidentifikuar ka qëlluar në drejtim të pales tjeter pas një konflikti të çastit”.
Për pasojë ka mbetur i vrarë Ergys Gjioveshaj, 33 vjeç banues ne Vlorë.
Si dhe janë plagosur 3 shtetas të tjerë të cilët janë dërguar në Spitalin Rajonal Vlorë për ndihmë mjekësore:
Florian Hila 28 vjec
Arslonel Llanaj 32 vjec
Arta Luka 26 vjece
Të tre të plagosurit ndodhen jashtë rrezikut për jetën. Mes të plagosurve është dhe kamarieri i lokalit.
Policia ndodhet në vendngjarje duke kryer hetimet në lidhje me sqarimin e rrethanave.
Deri në këto momente janë shoqëruar 3 persona me të cilët po punohet për zbardhjen e ngjarjes.
Jane ngritur pika kontrolli, si dhe forca të shumta policore po krehin zonën përreth vendngjarjes për kapjen e autorit. (E.K/SHUPLAKA)
Discussion about this post