Pasi u akuzua vetëm një ditë më parë nga këngëtari Frederik Ndoci se i kishte dhënë urdhër policisë për ta mbyllur koncertin ku ky i fundit po performonte në Shëngjin ka reaguar Voltana Ademi.
Kreu i Bashkisë së Shkodrës ka theksuar se ky është një lajm i pavërtetë dhe qesharak dhe se nuk ka dhënë asnjë urdhër. Madje ajo thekson më tej se “sa mirë do të ishte sikur të kishim kaq shumë “mbështetjen” e policisë së shtetit”.
“Në lidhje me një lajm të pavërtetë e shumë qesharak që po qarkullon se gjoja Voltana Ademi paska futur policinë e shtetit për të nxjerrë artistin Frederik Ndocin nga lokali ku kendonte, dua të sqaroj publikun dhe jo ata që shkruajnë, se ata që shkruajnë e dijnë se po e bëjnë “shumë mire” gabim punën e tyre .
Sa mirë do të ishte sikur të kishim kaq shumë “mbështetjen” e policisë së shtetit!! Velipoja do të kishte shumë më shumë hapsira publike për plazh, më pak informalitet dhe më shumë siguri. Jeni dëshmitarë për kërkesat e përsëritura qe i kemi derguar policisë dhe insitucioneve përgjegjëse për ndërhyrje dhe bashkëpunim për çështje të rëndësishme dhe askush nuk nderhyri.
Realisht, Bashkia ka shumë më shumë punë serioze se sa të merret me gënjeshtra në drejtim të saj.”, shprehet Ademi.
Sjellim në vemendje që ditën e sotme Ndoci ka publikuar një sërë videosh dhe thekson se policia pas asnjë arsye i ka ndërperë koncertin dhe ky urdhër është dhënë nga Voltana Ademi sipas tij dhe jo nga Rama. (J.V/Shuplaka)
Discussion about this post