Produksioni i Festivalit në Radio Televizionin Shqiptar, nëpërmjet një njoftimi, ka bërë të ditur se një prej pjesëmarrëseve të konfirmuara nuk do të jetë më pjesë e festivalit.
Ajo është këngëtarja e re dhe e talentuar nga Kosova, Edona Vatoci.
“Këngëtarja, në bashkëveprim me drejtuesit e festivalit, ka vendosur të tërhiqet nga pjesëmarrja e festivalit për arsye të publikimit të këngës së saj (jo në versionin zyrtar) përpara datave zyrtare të festivalit. Ky është një vendim konsensual nga ana e të dyja palëve dhe që hyn në fuqi menjëherë. Kënga që i shtohet listës së këngëtarëve pjesëmarrës është “Pritja” e Xhejni Litos, me muzikë dhe tekst të Indrit Lelos”, thuhet në njoftimin për shtyp.
