Deputeti i dalë nga radhët e PS-së Spartak Braho është treguar i ashpër dhe me ministrin e Brendshëm Sandër Lleshaj në Kuvend, teksa po diskutohej për Institutin e studimit të pasojave dhe krimeve të komunizmit.
Braho tha se nga ambientet e ministrisë së brendshme janë nxjerrë dokumente të klasifikuara, nga 2 studiues njëri prej të cilëve Kastriot Dervishi (lexo këtu)
Lidhur me këto deklarata ka ardhur menjëherë edhe reagimi i Kastriot Dervishit, drejtor i Arkivit të Ministrisë së Brendshme i cili tregon pozxicionin që ka në ministry dhe punën që ka bërë në këtë dikaster, i është drejtuar ministrit të Brendshëm sandër duke i thënë se ka rënë në nivelin e Spartak Brehos pasi emëtoi sipas tij një terminologji mjerane.
Reagimi i plotë
Një këshillë miqësore për ministrin Lleshaj
I nderuar z.ministër! Ishte e papritur për mua që sot në Kuvend, ju një njeri i lexuar, ratë në nivelin e spartak brahos dhe të ngjashmëve me të, duke emetuar një terminologji mjerane, me të cilën jam mësuar prej vitesh.
-Së pari, jam drejtori legjitim i Arkivit të Ministrisë së Brendshme, jo “ish drejtori”. Jam shumë krenar për punën time që me asnjë ndihmë nga shteti, madje i penguar prej tij, inventarizova fondit arkivor tërësisht të çoroditur të arkivit.
-Së dyti, jam studiues prej vitesh. Veprimtaria ime nuk buron nga funksionet por nga puna mbi 20 vjeçare në arkiva dhe biblioteka.
-Së treti, nuk është për t’u lavdëruar që paskeni kontribuar për ligjin e krijimit e Autoritetit, i cili ka cenuar sigurinë dhe ligjin e arkivave. Deklasifikimi i dokumenteve bëhet me akte administrative në bazë të ligjit për informacionin e klasifikuar të vitit 1999 dhe jo me ligje. Me aq para sa janë harxhuar për Autoritetin ishte ndërtuar godina komplekse e Arkivit të Ministrisë së Brendshme. Mbase nuk e dini që Arkivi i MB-së nuk ka ende godinë, nuk ka laborator, nuk ka personel, etj. Lëre pastaj që policia ka dokumentet e padorëzuara nga viti 1992. Vetëm për sistemimin e këtij kolapsi duhen së paku angazhimi i 200 punonjësve.
-Së katërti, meqë fole për “nxjerrje të informacionit të klasifikuar” (njësoj, me të njëjtën gjuhë si shumë të palexuar), përderisa postimet e mia i ke publike, ju ftoj të më tregoni një rast prej tyre që lidhet me Arkivin e MB. Shumica e postimeve të mia, të cilat janë të hapura, nuk lidhen me Arkivin e MB-së, por janë rezultate të punës time shumëvjeçare në arkiva.
Në kabinetin tuaj, keni njerëz që kanë punuar me mua me muaj e vite në sallën e studimit në AQSH. Sa të turpëroheshit kështu e të viheshit në radhë me brahon, mund t’i pyesnit më parë.
-Së pesti, nuk ka frymor në botë që më step në zbardhjen e krimeve të komunizmit.
Zoti ministër ju uroj punë të mbarë në detyrën tuaj dhe ju kujtoj se investimi në Arkivin e MB-së është shumë herë më i ngutshëm se ndërtimi i komisariateve të policisë apo strukturave parazite që në MB për fat të keq janë me shumicë. Arkivat nuk ndërtohen me propagandë.
(F.GJ/FAXWEB.AL)
Discussion about this post