I fortë qe fjalimi i kryetarit të Grupit Parlamentar të PS-së Gramoz Ruçit. Ruçi i bëri presion Metës për të votuar presidentin e ri, pas djegies së raundit të 3-të, duke i thënë se Partia Socialiste i ka 71 vota. Por Ruçi përveç presionit, bëri edhe akuza ndaj Metës, duke i thënë se ka anuar nga ”ana tjetër”, teksa po fliste për situatën e negociatave, duke nënkuptuar se Meta ka mbajtur anën e demokratëve.
”Prandaj z.kryetar ju takon juve si forcë politike, që jeni vendosur si negociator dhe keni kaq kohë, pse mos ta them troç që keni anuar nga ana tjetër.Prandaj ju kërkoj edhe juve të reflektoni, të mos e mbyllni këtë parlament vetëm për ata të çadrës.
Do ju kërkoja të mblidhnit Konferencën e Kryetarëve, ose të zgjedhim presidentin bashkë ose të shkojmë në zgjedhje brenda 45 ditësh.”, tha Ruçi në foltoren e Kuvendit.
Me të mbaruar fjalën, Ilir Meta ia preu shkurt, duke mos e fshehur se kjo fjalë e Ruçit meritonte debat.
”Meqënëse kjo seancë është pa debat, njoftoj mbylljen e kësaj seance dhe mbledhjen e Konferencës së Kryetarëve.”, ia ktheu Meta. Edhe sot në Kuvend dështoi raundi i radhës për zgjedhjen e presidentit të Republikës. (V.G/SHUPLAKA)
Discussion about this post