Temperaturat në vlera të larta kanë mbnërthyer prej disa ditësh tashmë vendin tonë. Teksa shumë prej nesh mund të kenë bërë plane për të shkuar në plazh ose larg qytetit ku banojnë, mësoni fillimisht si do të jetë moti.
Gjatë mesditës së sotme në vend janë vërejtur vranësira kalimtare, për të cilat “Meteoalb” shprehet se pritet një fuqizim i tyre dhe shira të përkohshëm në pjesën më të madhe të vendit.
Orët e pasdites do të karakterizohen nga rikthjellime, kushte që do të vijojnë deri në mesditën e së dielës kur sërish do të ketë zhvillim vranësirash dhe shira të izoluar, të pranishëm më tepër në zonat malore.
Temperaturat e ajrit sjellin një rënie të lehtë mesditën e së shtunës por mbeten konstante të dielën, duke bërë që maksimumi territorial në fundjavë të ngjitet deri 30 gradëC.
(XH.A/SHUPLAKA)
