Ditën e djeshme Policia e Shtetit ka trumpetuar një aksion ku bënte të ditur se ka shpëtuar 4 alpinitë të cilët ishin të bllokuar në Malin e Gramozit, për shkak të motit të keq.
Në njoftimin e policisë, bëhej e ditur se kishin kërkuar për orë të tëra, dhe në lartësinë 2523 metrash, më në fund kishin gjetur 4 alpinistët.
“Kolonjë Policia në bashkëpunim me banorët e zonës, u vjen në ndihmë 4 alpinistëve. Në Sallën Operative të Komisariatit të Policisë Kolonjë, është marrë një telefonatë sipas të cilës 4 alpinistë që kishin lënë mjetin e tyre tip “Ford”, në fshatin Starje dhe ishin nisur për të ngjitur malin e Gramozit, mund të kishin mbetur të bllokuar në rrugë për shkak të kushteve të vështira atmosferike. Menjëherë pas marrjes së këtij njoftimi, në drejtim të zonës, u nisën shërbime të Komisariatit të Policisë Kolonjë dhe Stacionit të Policisë Kufitare Shtikë, të Emergjencave Civile, të ndihmuar edhe nga banorë të zonës. Pas disa orë kërkimesh, u bë i mundur lokalizimi dhe gjetja në gjendje të mirë shëndetësore e 4 alpinistëve, të cilët ishin ngjitur në majën e quajtur “Çuka e Peçit” në lartësinë 2523 m, të malit të Gramozit dhe më pas për shkak të kushteve të vështira atmosferike, kishin hasur vështirësi gjatë kthimit. Alpinistët (njëra prej tyre vajzë) kanë falenderuar shërbimet e Policisë dhe banorët, që iu erdhën në ndihmë dhe iu shpëtuan jetën. Policia më pas ka bërë shoqërimin e tyre, deri në vendin ku u akomoduan në qytetin e Ersekës.”- njoftonte policia.
Por njoftimin e policisë e ka nxjerrë ‘bllof’ njëri nga alpinistët, Ervin Xhankolli, cili ka përgënjeshtuar informacionin e përcjellë me mjaft bujë nga policia e Sandër Lleshajt.
Në profilin e Policisë së Shtetit, në Facebook, ai shkruan se kjo është një gënjeshtër e turpshme, pasi policia e Lleshit nuk i ka aftësitë për të shpëtuar alpinistë, e kjo sipas tij, për shkak të barkut të madh dhe rakisë që konsumojnë, duke shfryrë kështu herkulizimin që policia e shtetit tenton ta përcjellë tek populli shqiptar duke mashtruar.
“Me vjen keq qe keni publikur kete lajm te rrem pasi ne nuk kemi humber dhe nuk na keni shpetuar nga asgje.policet na kerkuan te benim nje foto ne menyr shoqerore pasi ne berem ekspedit dimeror ne malin e Gramozit ne kushte exstreme. Dhe ju siguroj policet tuaj nuk e kan ate nivel sa te arrin dhe te shpetojn njerez ne ato kushte si le barku dhe rakia qe pin lokaleve me vjen keq qe flas keshtu por keni genjyr ne menyr te turpeshme. Ju lutem pergenjeshtroheni kete lajme pasi keni perdorur imazhet tona dhe keni shqetesur gjith familjaret tone.”- shkruan komentuesi.
Nuk dihet nëse policia do të ketë një reagim tjetër zyrtar në lidhje me këtë informacion, ndërkohë që alpinsiti kërkon përgënjeshtrim të njoftimit.
Discussion about this post