Keni rënë në ‘hall’ me kuletën kur jeni në plazh? Ja një ide nga Ermal Mamaqi se si mund ta ruani (Foto)

Gushti mbetet muaj ku më së shumti nisen pushimet, nga të gjithë. Bregdeti shqiptar dhe ai i huaj është destinacioni i shumë familjeve shqiptare.

Mirëpo një ndër problemet më të mëdha për pushuesit janë kuletat ose celularët, pasi nëse i lënë në shezllone, mundësia për ti vjedhur nga dikush janë të shumta, sidomos në plazhet shqiptare.

Ku mund ta lësh kuletën apo celularin kur shkon të zhytesh në det?

Moderatori Ermal Mamaqi nëpërmjet një postimi në ‘Instagram’ ka dhënë një sugjerim për të gjithë,se si mund ta ruash kuletën gjatë pushimeve në det.

Sipas tij më parë e mbështjell me një pampers të pastër në një cep të shezllonit gjasme si të përdorur.

“Fute kuletën ketu dhe ik i qetë të lahesh në det”, shkruan Mamaqi, një koment që ka ngjallur shumë reagime e të qeshura te ndjekësit e tij.

(E.V/Faxweb.al)