Ditë më parë në një emision televiziv, Ulsi Manja, kreu i komisionit të Ligjeve në një debat me analistin Fatos Lubonja u shpreh se ato që ai thotë janë thirrje për turbullira, të dënueshme nga kodi penal.
“Ai nuk jeton këtu, ai jeton në hënë. E kupton çfarë flet ai? Këto që thotë ky janë të dënueshme nga kodi penal. Janë thirrje për krijim turbullirash publike. Duke dhënë një realitet imagjinar, se e ka në kokë atë, tenton të krijojë turbullira publike në një shtet ku funksionon ligji. Ka të paktën katër vjet në studio që Shqipëria për këtë është luftë”, tha Manja gjatë emisionit.
Në lidhje me këtë rast ka reaguar dhe ish-ministri Ylli Manjani, i cili shprehet se rilindësve të hashashit iu paska ardhur goja.
“Memecëve të Rilindjes së hashashit ju paska ardhë goja! Kërcënojnë Lubonjën pse mendon e flet në publik! A thua se vendin po e çon në përplasje Lubonja, jo Rilindja! Çfarë niveli arsyetimi! Arsyetim që ju vjen nga diktatura e drogës!”, shkruan Manjani në reagimin e tij.
(E.K/Faxweb)
Discussion about this post