Ministrja e Mbrojtjes, Mimi Kodheli i ka kthyer përgjigje palës greke për një sërë çështjesh të rëndësishme që duket se kanë acaruar marrëdhëniet mes dy vendeve.
Në një intervistë për të gazetën helene “Ethnos”, Kodheli ka komentuar edhe shfaqjen më të fundit të homologut grek Kamenos, i cili vizitoi zonat pranë kufirit me Shqipërinë me veshje ushtarake.
“Një vend duhet të sillet si anëtar i NATO-s brenda dhe jashtë kufijve të tij”, thotë Kodheli, e cila shton se beson në vlerat që mbrojmë çdo ditë dhe se beson më shumë në moton e aleancës “28 për një dhe 1 për 28”.
Ministrja shqiptare u pyet dhe për faktin se ka një rritje të retorikes nacionaliste nga ana e Shqipërisë që prekin sipas tyre, të drejtat e pakicës dhe minojnë klimën e besimit mes dy vendeve, por Kodheli shprehet se Shqipëria hyn në ato vende me nivel të lartë të mbrojtjes së të drejtave të pakicave dhe kjo jo vetëm në ligj por dhe në atë dhe shihet dhe mendohet në jetën e përditshme.
“Dhe mund të them pa ekzagjerim se në këtë çështje ne shqiptarët jemi unikë. Çdo gjë tjetër është retorikë”, shton Kodheli.
Ajo i ka dhënë përgjigje dhe çështjes së ngritjes së varrezave të ushtarëve grekë në Shqipëri, duke theksuar se kjo çështje por dhe të tjera të pazgjidhura janë në axhendën e së ardhmes dhe se ato duhet të formojnë shtyllat e një bashkëpunimi më të fortë mes dy vendeve. (A.R/SHUPLAKA)
