Pas kërcënimeve të AMA-s për të mbylljen e televizionit “Ora News”, shoqëria civile dhe shoqatat e mediave do të mblidhen të martën e ardhshme në kryeqytet, për të protestuar në emër të fjalës së lirë.
Mësohet se grupi i protestuesve do të mblidhet përpara bashkisë së Tiranës më 17 janar në orën 12:00. Më pas grupi do të marshojë drejt godinës së Autoritetit të Mediave Audiovizive (AMA) dhe selisë së Kryeministrisë.
Nëpërmjet postimeve në rrjetet sociale, aktivistët i bëjnë thirrje të gjithë qytetarëve, të majtë, të djathtë apo të qendrës nuk ka rëndësi, të bashkohen për një qëllim të vetëm: “Fjala e lirë”. (D.D/Shuplaka)
Discussion about this post