Kërcënimet ndaj Vlahutin, reagon deputeti demokrat: Fiks si ajo historia e jastëkut të Griseldës!

Deputeti i Partisë Demokratike Luçiano Boçi, ka reaguar për historinë e kërcënimit të ambasadores së BE-së Romana Vlahutin.

Boçi, e krahason këtë histori me një tjetër të ndodhur shumë vite më parë, atë të ish-gruas së Elvis Rroshit, Griseldën, për historinë e shtatzënisë së saj dhe abortit. Histori e cila rezultoi e gënjeshtërt.

“Kjo historia e kërcënimit të Vlahutin është fiks si ajo historia e jastëkut të Griseldës, për të cilën BE reagoi po kaq “fort”!”, shkruan Boçi.

Analisti Kastriot Myftaraj, në një shkrim të publikuar pak ditë më parë, fyente ashpër ambasadoren Vlahutin, madje u arrestua nën akuzën “thirrje publike për veprime të dhunshme”.

Ai akuzohet se ka nxitur dhunë përmes një shkrimi të tij me titull ‘’Aventura e çuditshme e një k*rve kroate në Tiranë’’. Për shkrimin e Kastriot Myftarjat ndaj Romana Vlahutin ka reaguar Komisioni Evropian. 

Në një prononcim për BIRN, Komisioni Evropian deklaroi se nuk do të tolerojë kërcënime për të intimiduar drejtuesen e BE¬së në Shqipëri dhe stafin e delegacionit. 

“Thirrjet për dhunë dhe gjuha e urrejtjes janë të papranueshme.  Kërcënimet synojnë të frikësojnë amabsadoren që të bëj punën e saj, e cila vitin e fundit është fokusuar tek Reforma në Drejtësi në Shqipëri.

Bashkimi Evropian shpreson se opinion publik shqiptar do të jetë në anën e ambasadores në këtë betejë, dhe të dënojë gjuhën e urrejtjes dhe përpjekjet për të frikësuar diplomaten e lartë”,  reagon KE.

Myftaraj në shkrimin për ambasadoren shkruante: “Kështu që çdo shqiptar që do atdheun e vet mund ta vrasë Romanën dhe ky do të ishte një akt antiterrorist, jo terrorist. Në këtë histori ka vetëm një terroriste që është Kurva e Pantovçakut, e cila e mbetur pa tutor punon për llogari të Beogradit,”

Pas daljes nga burgu, analisti u shpreh se kurrë nuk ka kërkuar vrasjen e ambasadores, por thjesht ka analizuar skenarin e mundshëm të vrasjes së saj.

“Unë nuk u kam thënë shqiptarëve që të vrasin Vlahutinin, por thjesht kam analizuar skenarin e vrasjes së mundshme të saj. Unë në analizën time kam ngritur pyetjen nëse vrasja e Vlahutinit do të ishte akt terrorist. Vrasja e një diplomati të huaj të akredituar në një vend, është normalisht akt terrorist. Por kur një diplomat kryen qartazi veprimtari antikushtetuese, që cënon sovranitetin e vendit ku është akredituar? Në këtë rast do të ishte fjala për akt terrorist apo antiterrorist.”, shkruan Myftaraj.

Pavarësisht kësaj, gazetari dhe analisti Kastriot Myftaraj i kërkon ambasadores Vlahutin që ajo të largohet sa më parë nga Shqipëria. (D.D/Shuplaka)