Deputeti demokrat Enkelejd Alibeja nga selia e PD-së ka bërë sot një deklaratë të fortë, teksa ka thënë se një prej zyrtarëve të PD-së në Tepelenë e kanë kërcënuar me pistoletë në kokë.
Sipas tij kërcënimi më jetë që i është bërë kryetarit të grupit të punës për organizimin e PD në Qarkun e Gjirokastrës Florian Xhutit, ka ndodhur për shkak të denoncimeve të vazhdueshme që PD-ja ka bërë për situatën e kanabisit në jug të vendit.
Sipas deputetit demokrat Policia është mjaftuar me faktin se ka deklaruar që autorët janë larguar në drejtim të paditur.
REAGIMI: Florian Xhuti pas takimit që pati me strukturat në Tepelenë është përballur me një sulm të paprecedentë, ku dy persona e kanë kërcënuar me armë. Ata i ndaluan makinën dhe më pas i kanë vënë pistoletën në kokë.
Duke e sharë dhe kërcënuar të mos kthehej në Tepelenë dhe të mos shante më qeverinë, dy personat janë përpjekur për ta nxjerrë nga makina dhe aty ka gjetur rastin për t’iu larguar atyre.
Xhudi është nisur me urgjencë në drejtim të Policisë së Fierit ku ka bërë edhe denoncimin. Policia ka marrë denoncimin e Xhutit. Ngjarja ka ndodhur mesnatën e së enjtes, dhe deri më sot në pritëm një reagim nga ana e Policisë. Policia është mjaftuar me faktin se autorët janë larguar në drejtim të paditur.
PD e dënon me forcë këtë ngjarje kriminale që ka për qëllim intimidimin e Policisë në zonat që deri dje mbilleshin me kanabis në zonat e Saimir Tahirit nuk do të ndalet. PD i bën të qartë kujtdo se asgjë nuk do ta ndalë në denoncimin e lidhjeve të krimit me këtë qeveri.
(E.K/FAXWEB.AL)
Discussion about this post