Drejtori sportiv i ekipit ntë Lazios në itali, Igli Tare është pezulluar me vendim gjykatë deri me datën 1 maj nga funksionet e tij në ekip.
Kjo vjen pas incidentit që ndodhi në ndeshjen e fundit midis milanit dhe Lazios, sfidë e cila u mbyll me rezultatin 1-0, shifër kjo e papranueshme për Taren i cili nuk i kurseu presionet dhe kërcënimet ndaj gjyqtarit.
Ndërkohë dy mesfushorët e Milanit, Bakayoko dhe Kessie nuk do të pezullohen, pasi ndaj tyre nuk është përdorur asnjë provë televizive nga gjykatësi sportiv për gjestin që bënë me fanellën e Acerbit gjatë festimeve në fund tëlojës.
Nga ana tjetër gjykatësi sportiv në Itali ka marrë masa për sherrin që ndodhi në përfundim të ndeshjes.
Edhe pse nuk ka skualifikuar asnjë lojtar plot 5 futbollistë përfshirë edhe trajnerin e Lazios, Simone Inzaghi janë dënuar me nga 10 mijë euro gjobë.
Kujtojmë se drejtori sportiv i Lazios, Igli Tare akuzoi pas ndeshjes gjyqtarin pas humbjes së Lazios në fushën e Milanit.
“Kjo ishte histori e një vdekjeje të paralajmëruar, pikërisht, gjëja që i trembeshim përpara ndeshjes. Na vjen keq që humbëm një ndeshje që e luajtëm shumë mirë, sidomos në pjesën e parë. Shpresonim që ndeshja të vendosej në fushë, por ishim viktimë e VAR-it dhe e gjykimit. Penalltia e Milanit edhe jepej, por gjithashtu ishte penallti për ne, pasi ishte ndërhyrje e rrezikshme në zonë. Duket se në Itali dinë ta dallojnë rëndësinë e klubeve”, tha Tare.
(F.GJ/FAXWEB.AL)
