Ditën e sotme Partia Demokratike kërkoi që deputeti Pjerin Ndreu të përjashtohej për 10 ditë nga seancat parlamnentare. Kjo për shkak të fyerjeve të tij në drejtim të deputetit Ervin Salianji.
PD pretendonte gjithashtu se socialisti kishte kërcënuar dhe bërë thirrje për ushtrim force ndaj deputetit Ervin Salianji. Mirëpo kërkesa nuk është praniar nga ana e Gramoz Ruçit në mbledhjen e Byrosë.
“Kjo mbledhje nuk munda ta shqyrtojë këtë rast sepse byroja nuk jep ndëshkime kur njerëzit shahen e fyhen ne komision. Ka parashikime veç për seancat plenare”, mësohet të ketë thënë Ruçi.
Mes të tjerash Kreu i Kuvendit ka kërkuar dhe ndryshimin e rregullores: “Meqë jeni gjithë përfaqësuesit e partive ju kam mbledhur të propozoj ndryshime në rregullore ta përfshimë edhe fyerjet në komisione”, tha Ruçi.
Ndërkohë, deputetët demokratë kanë kundërshtuar vendimin e Byrosë.
(E.K/FAXWEB)
Discussion about this post