Vasil Suku nga Marinza e Fierit tregon gjatë një interviste eksluzive për Fax Neës arsyet që e dërguan drejt aktit ekstrem të kërcënimit se do të vriste vetën nëse nuk do të dëmshpërblëhej nga ana e kompanisë “Bankers” për tokën që kjo e fundit e ka marrë në përdorim.
Sipas tij bëhet fjalë për 2600 m tokë bujqësore më të cilën Suku thotë se siguronte të ardhurat e familjes pasi e mbillte me perime që I shiste në treg.
55-vjeçari tregon se ai ka nënshkruar një kontratë me kompaninë por kjo e fundit sipas tij e ka prishur pa asnjë shpjegim dhe pa e dëmshpërblyer.
“7501 më ka dhënë një tokë në fillim të viteve 90’. Kisha nënshkruar një kontratë me firmën “Bankers” por nga 2017 e deri më sot firma më prishi kontratën e tokës dhe nuk më ka dhënë asnjë lekë. Kam bërë kërkesa dhe nuk kam marrë asnjë përgjigje. “Bankers” dhe organet e tjera nga mungesa e një zgjidhjeje më detyruan të marrë një akt të tillë. Kam qenë në spital i sëmurë, dhe pasi dola nga spitali më erdhi një i firmës së “Bankersit” për të marrë informacione por nuk më thirrën më dhe as nuk mu përgjigjen. Me këtë tokë siguroja të ardhurat e familjes sepse mbillja perime të ndryshme dhe i tregtoja për të sigurur disa të ardhura. “Bankers” e prishi kontratën për tokën time. Tani prefektura ma nxjerr tokën në Ballsh dhe unë nuk e di fare se ku ndodhet kjo tokë. I vdekur se i vdekur jam, unë do ti shkoj deri në fund”, tha Vasil Suku pronari i tokës.
Kujtojmë se Suku ka zgjedhur një mënyrë ekstreme të të protestuarit gjatë ditës së djeshme pasi kompania Bankers nuk i jep lekët e tokës.
Ai ka hipur në majë të një oxhaku dhe kërcënon se nëse kompania nuk i jep lekët e tokës do të vetëvritet (Lexo këtu).
Ndërkohë pronari i tokës ka zbritur nga oxhaku pas thirrjeve të shumta që iu bë nga të pranishmit. Ai qëndroi mbi oxhak që nga ora 10:00 e mëngjesit deri në orët e pasdites djeshme duke kërcënuar se do hidhej prej aty (Lexo këtu).
Pas negociatave Suku ka zbritur dhe është dërguar në spital, pasi ka probleme me zërin.
https://www.facebook.com/faxweb.al/videos/2304918349560372/
(F.GJ/FAXWEB.AL)
Discussion about this post