Së fundmi ka reaguar edhe Presidenti i Serbisë, Aleksandar Vuçiç në lidhje me dekalaratën e anëtarit boshnjak të Presidencës së Bosnjë Bakir Izetbegoviq për njohjen e Kosovës.
Vuçiç ka deklaruar se kjo deklaratë e Izetbegoviq është komplekse dhe me pasoja të gjera, që duhet të merren parasysh në mënyrë serioze.
Sjellim në vëmendje që në një intervistë për Deutsche Welle-n, Izetbegoviq ka thënë se sa i përket tij, Kosova, deri më tash, është dashur të njihet nga Bosnja. I pyetur nëse Bosnja do ta njohë Kosovën, Izetbegoviq ka thënë: “Shpresoj se po”.
Vuçiq tha të martën se Serbia do të vendosë për përgjigjen e saj ndaj kësaj deklarate. Ai tha se të enjten do të mblidhet Këshilli për Siguri Kombëtare i Serbisë. “Shumëçka ka ndryshuar pas kësaj interviste”, tha Vuçiç. (J.V/Faxweb)
Discussion about this post