Ministri i Mbrojtjes së Ukrainës, Stephan Poltorak ka një kërkesë për presidentin e ri të SHBA-së Donald Trump.
Një ditë pas inaugurimit, ministri ukrainas kërkon që Trump të vazhdojë ofrimin e përkrahjes ushtarake dhe politike për vendin e tij.
“Është shumë e rëndësishme për Ukrainën që të ketë përkrahjen politike nga Shtetet e Bashkuara”, tha Poltorak në një intervistë në Radion Evropa e Lirë.
Përveç kësaj, ministri kërkon që SHBA të mos i heqë sanksionet ndaj Rusisë. Kjo sipas tij do të ishte një sinjal i rrezikshëm që lejon Rusinë dhe shtetet e tjera të shkelin ligjin ndërkombëtar dhe të krijojnë kaos.
Nëse një vendim i tillë merret nga Trump, sipas Poltorak kjo do nxiste Rusinë t’i marrë më shumë territor Ukrainës spo edhe ndonjë prej vendeve anëtare të NATO-s. (D.D/Shuplaka)
Discussion about this post