Një kërkesë misterioze ka mbërritur në Ministrinë e Punëve të Jashtme shqiptare dhe Ministrinë e Transportit dhe Infrastrukturës nga Ambasada e Republikës së Maqedonisë në Tiranë.
”Shuplaka” mëson se ambasada kërkon të fotografojë me avion trojet shqiptare, siç e përcakton vetë: ”një pjesë të vogël” të tyre.
Ministria e Bujqësisë dhe Pylltarisë së Maqedonisë pretendon se e gjitha bëhet për një projekt fotografik dhe dixhitalizimi për tokat bujqësore.
Por nga harta, shihet se leja për të fluturuar mbi trojet shqiptare kërkohet për në zonat ku ka pretendime se jetojnë maqedonas. Dhe është pikërisht zona e Prespës.
Leja për fotogrametrinë ajërore është kërkuar 3 herë, njëherë në muajin mars, më pas në prill dhe më në muajin maj.
Maqedonasit kërkojnë të realizojnë fotografimin nga data 1 maj deri në 31 korrik me avion dhe ekuipazh ”MGGP Aero Sp z.o.o” nga Republika e Polonisë.
Ende autoritetet shqiptare nuk e kanë dhënë lejen për të lejuar këtë fotografim që shpjeguar nga autoritetet maqedonase bëhet vetëm për të përgatitur hartat dhe modelin dixhital të ngritjes së terrenit. A është një kërkesë rutinë, apo autoritetet shqiptare duhet të shqetësohen?! (V.G/SHUPLAKA)
Në galeri ndodhen kërkesat për ministritë dhe harta me koordinata për të cilën kërkohet leje.
[ngg_images source=”galleries” container_ids=”2302″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
