Kreu i Grupit Parlamentar të LSI-së Petrit Vasili ka deklaruar se Gledjon Rehovica, deputeti i LSI-së në Berat do të reagojë vetë për sqaruar të gjitha paqartësitë.
“Kam dëgjuar një komunikim nëpërmjet mediave dhe besoj se zoti Rahovica do ta sqarojë të gjithë situatën dhe mbi pozicionin e tij lidhur me ligjshmëri dhe paligjshmërinë e tij. Do të jetë në dispozion edhe të një sqarimi publik por edhe do të jepet prezent në çdo hap të KQZ-së. Nuk është një çëshje kaq e rëndësishme. “, u shpreh Vasili.
Sjellim në vëmendje që Prokuroria e Përgjithshme i ka nisur një kërkesë KQZ-së ku thekson se deputetët Aqif Rakipi dhe Gledjon Rehovica rezultojnë të ndaluar në Itali për vjedhje dhe se një gjë të tillë nuk e kanë deklaruar në formularin e dekriminalizimit.
Sipas kërkesës së Prokurorisë së Përgjithshme deputeti i PDIU ashtu edhe ai i LSI rezultojnë me emra të rremë të ndaluar nga drejtësia italiane, ndërsa zbulimi i tyre është bërë përmes krahasimit të gjurmëve të gishtave nga Interpol Tirana dhe Interpol Roma.
Në raportin e Prokurorisë shkruhet se deputeti Aqif Rakipi është ndaluar në Itali për vjedhje nën emrin Skënder Ejylbegaj. Ai ka konsumuar veprën penal të vjedhjes më 03.11.1998. Ky ndalin nga autoritetet italiane nuk rezulton në formularin e vetëdeklarimit të Rakipit. Ndërsa Gledjon Rehovica, me emrin Kusta Mina, është i raportuar për vjedhjen e një dyqani në shtetin fqinj në 27.02.1999. Edhe Rehovica, njësoj si Aqif Rakipi nuk ka deklaruar në formular ndalimin nga policia italiane. (J.V/Faxweb)
