Një 62-vjeçar nga Kosova është vënë në pranga nga autoritetet gjermane pasi ishte i shpallur në kërkim ndërkombëtar. Sipas njoftimit të policisë Fadim Ibishi ishte shpallur në kërkim ndërkombëta pasi Gjykata e Durrësit i ka caktuar masen e sigurisë “Arrest në burg”, për veprat penale “Kanosja”, “Shtrëngimi me anë të kanosjes ose dhunës për dhënien e pasurisë” dhe “Ngacmimi seksual”.
Më tej bëhet me dije se ai ka kanosur një grua për dhënien e 5000 eurove, që të mos publikonte video intime të saj. Gjithashtu, dyshohet se 62-vjeçari ka ngacmuar seksualisht mbesën e po gruas që kërcënonte me videot intime. Pas arrestimit Interpol Tirana dhe Interpol ëiesbaden po kryejnë procedurat për ekstradimin e tij në Shqipëri.
Njoftimi i plotë:
Policia e Shtetit/Vijojnë operacionet me partnerët, për lokalizimin dhe kapjen e shtetasve në kërkim ndërkombëtar. Shkëmbimi i informacionit me homologët gjermanë, në kuadër të operacionit policor të koduar “Partners” çoi në lokalizimin në Gjermani, kapjen dhe arrestimin e shtetasit kosovar të shpallur në kërkim ndërkombëtar: Fadim Ibishi, 62 vjeç.
Ky shtetas ishte shpallur në kërkim ndërkombëtar nga Interpol Tirana, pasi Gjykata e Durrësit, me vendimin e datës 03.02.2022, i ka caktuar masen e sigurisë “Arrest në burg”, për veprat penale “Kanosja”, “Shtrëngimi me anë të kanosjes ose dhunës për dhënien e pasurisë” dhe “Ngacmimi seksual”. Shtetasi F. I. dyshohet se ka kanosur një shtetase, për dhënien e 5000 eurove, që të mos publikonte video intime të saj. Gjithashtu, dyshohet se ka ngacmuar seksualisht mbesën e kësaj shtetaseje.
Kapja e këtij shtetasi ishte rezultat i informacionit të siguruar nga Policia shqiptare dhe i shkëmbimit të tij me homologët gjermanë. Interpol Tirana dhe Interpol ëiesbaden po kryejnë procedurat për ekstradimin e këtij shtetasi, në Shqipëri.
Discussion about this post