Kërkohet ekstradimi nga pala italiane, shtyhet seanca për Ilir Bajrin

Gjykata e Shkodrës ka vendosur shtyrjen e seancës gjyqësore ndaj Ilir Bajrit i ndaluar gjatë operacionit “Oaz” në vitin 2018 në Shkodër.

Shtyrja e seancës për masën e sigurisë ndaj Bajrit është bërë  për shkak të mungesës së avokatit të tij ndërkohë që vetë i pandehuri ishte i pranishëm. Seanca e sotme u zhvillua me qëllim ekstradimi. Bajri është dënuar me 5 vite e gjysmë burg në Itali.

Në vitin 2008-2009 gjykata e Bolonjas në Itali e ka gjykuar dhe dënuar për akuzën “trafik narkotikësh dhe shfrytëzim prostitucioni”, dhe është dënuar përfundimisht me 5 vite e gjysëm burg.

Ilir Bajri u arrestua në shtator të vitit të kaluar si pjesë e grupit “Bajri” të dyshuar si pjesë e një grupi të strukturuar kriminal bashkë me disa persona të tjerë ndërsa çështja ndaj tyre vijon ende tek Prokuroria e Krimeve të Rënda.

(F.GJ/FAXWEB.AL)