Një shtetas i shpallur në kërkim për armëmbajtje pa leje është vënë në prangat e Policisë së Vlorës. Është kryer arrestimi i shtetasit Ilir Bregu 34 vjeç, i cili përdorte edhe identitetin Isuf Delaj.
I dënuar në Itali me 8 vite dhe 10 muaj burg, pritet ekstradimi i tij drejt shtetit fqinj.
Detaje të Policisë së Vlorës:
Policia ka arrestuar një person në kërkim ndërkombëtar, me qëllim ekstradimin e tij drejt shtetit Italian ! Arrestohet shtetasi:
– Ilir Bregu, 34 vjeç, banues në Vlorë.
Më datë 16.05.2017, Komisariati pranë Drejtorisë Vendore të Policisë Vlorë, në bazë të informacioneve të marra në rrugë operative ka bërë të mundur kapjen e Ilir Bregu-t në lagjen “Pavarësia” Vlorë.
Nga hetimet e kryera ka rezultuar se: Gjykata e Apelit Firence/Itali ka lëshuar urdhër arresti ndërkombëtar (nr. 211/2014 SIEP dt. 05.06.2014) dhe e ka dënuar këtë shtetas me 8 vite e 10 muaj burg për për veprën penale “Pengmarrje dhe mbajtja pa leje e armëve” parashikuar nga neni 605 të Kodit Penal Italian dhe nenet 10 & 14 të Ligjit nr.497/74.
Gjithashtu, bëjmë me dije se ky shtetas me qëllim për t’iu fshehur drejtësisë shqiptare dhe asaj të huaj, ka përdorur edhe identitetin tjetër si: Isuf Dulaj.
Kapja dhe arrestimi i tij u bë me qëllim ekstradimin e tij drejt Italisë.
(XH.A/SHUPLAKA)
Discussion about this post