Të shtunën opozita e bashkuar do të zbresë në një protestë në Bulevardin ‘’Dëshmorët e Kombit”. Protesta do të jetë kundër varfërisë, keqqeverisjes, si dhe kundër shkeljes së Kushtetutës.
Po ku do të jetë vetë kryeministri Edi Rama në ditën që do të kërkohet rrëzimi i tij.
Rama i tha gazetarit Ilir Barbaramo se do jetë në kryeqytet atë ditë, ndërsa i pyetur nëse do ketë një marrëveshje të re me kryetarin e PD, Lulzim Basha, pas asaj të 18 majit 2017, Rama u përgjigj: “Marrëveshja u bë për zgjedhjet, marrëveshje për të mbyllur dosjet nuk bëjmë dot”.
Ditën e protestës, të shtunën do jeni në Tiranë?
Po, në Tiranë do jem.
A do kemi marrëveshje, pas asa të 18 majit?
Marrëveshja e 17 majit u bë për zgjedhjet, marrëveshje për të mbyllur dosjet nuk bëjmë dot. Ku është problemi këtu? Atëherë kishim zgjedhjet duhet të bënim marrëveshje.
Këtu vetëm një problem ka, zbatimi i Reformës në Drejtësi dhe dosjet. Nuk bëjmë marrëveshje për këto.
