Tentativat për përmirësim të transportit urban në kryeqytet dhe implementimi i biletës elektronike, mesa duket shton kostot për operatorët që do ta ofrojnë këtë shërbim.
Pas paraqitjes së masave të marra nga Bashkia e Tiranës, përfaqësuesi i Shoqatës së Transportit Qytetas, Ervin Shijaku, në një intervistë për TV SCAN nënvizoi se në këto kushte, operatorët do të jenë të detyruar të kërkojnë rritje të çmimit të biletës urbane.
Propozimi i operatorëve është që bileta të shkojë rreth 70 lekë, nga 40 që është momentalisht.
Bashkia e Tiranës ka premtuar se kjo reformë që parashikon shtimin e flotës së urbanëve, rinovimin e mjeteve dhe implementimin e biletës elektronike, nuk do të sjellë kosto të tjera për qytetarët.
Rritja e fundit e biletës së urbanëve ishte nga 30 në 40 lekë. Rritja e biletës erdhi si rrjedhojë e grevës së operatorëve të transportit urban.
(M.D/ Shuplaka)
