Gjykata e Tiranës ka rrëzuar kërkesën e Florenc Hoxhës për ndërrimin e masës së sigurisë “arrest me burg”, bashkë me 4 persona të tjerë të arrestuar në protestën e 16 shkurtit.
Hoxha kërkoi ndërrim mase pas lënies në fuqi të vendimit të Gjykatës së Shkallës së Parë nga Gjykata e Apelit të Tiranës.
Personat e tjerë që kërkuan ndërrimin e masës së sigurisë, dhe iu refuzua ishin: Ferit Dankshi, Agim Peposhi, Ilir Hamendani dhe Sajmir Rexhepi.
Kujtojmë se pas protestës së opozitës në 16 Shkurt u arrestuan në total 16 persona, dhe 11 prej të cilëve më vonë u lanë të lirë, vetëm me masën detyrim paraqitjeje.
Protestuesit akuzohen për akte dhunë ndaj institucionit të Kryeministrisë dhe prishje të veprave të artit.
Discussion about this post