Kërkoi të trafikonte 19-vjeçaren dhe kreu me dhunë marrëdhënie me të miturën, arrestohet 49-vjeçari

Aliosha Emini, 49 vjeç dhe banues në Kuçovë është arrestuar nga ana e Policisë. Kjo për shkak se ai ka tentuar që të trafikojë një 19 vjeçare për ta shfrytëzuar për prostitucion, ndërsa ka kryer marrëdhënie me dhunë dhe me një 13-vjeçare.

DETAJET E POLICISË:

Tenton të trafikojë një 19 vjeçare për ta shfrytëzuar për prostitucion, kryen marrëdhënie seksuale me dhunë me një 13 vjeçare, arrestohet nga policia 49 vjeçari nga Kuçova.

Nga Specialitët e Seksionit për Trafiqet e Paligjshme, pas një hetimi disa mujor me metoda speciale të hetimit u bë arrestimi i shtetasit:

Aliosha Emini, 49 vjeç, banues në Kuçovë. Arrestimi i këtij shtetasi u bë pasi ka tentuar të trafikojë për ta shfrytëzuar për prostitucion shtetasen A.G. 19 vjeçe, si dhe dyshohet se ka kryer marrëdhënie seksuale me dhunë me shtetasen B.G, 13 vjeçe. Materialet i kaluan Prokurorisë së Rrethit Gjyqësor Berat për veprat penale “Trafikim i të rriturve” dhe “Marrëdhënie seksuale me të mitur”, parashikuar nga nenit 110/a e 100/2 të Kodit Penal.

(E.K/Faxweb)