Kërkon lirimin nga arresti, çfarë tha në Gjykatë Fran Frrokaj

Në Gjykatën e Apelit në Shkodër po rivlerësohet masa e sigurisë për kryetarin e bashkisë së Lezhës, Fran Frrokaj.

Frrokaj ka kërkuar lirimin e tij, pasi thotë se është i pafajshëm. Ai thotë se ka qenë dhe do të jetë në dispozicion të drejtësisë, nëse i duhet.

Frrokaj është shprehur: Jam totalisht i pafajshëm. Akti i marrjes së tokës në pronësi vjen i plotësuar, nuk plotësohet nga bashkia. Bashkia nuk ka asnjë informacion për këtë çështje.

Avokati i Frrokajt është shprehur: Ju bëj me dije se kontestoj qëndrimin e prokurorit, tha të pavertera dhe përdori gjuhë jo ligjore.

Përdori zhargon mediatik , duke lëshuar hipoteza pëer gjyqtarin duke thënë se ndërroi vendimin pas 3 ditësh. Prokurori ishte në kapërcim të të drejtave ligjore. Keni bërë fabula mbi falsifikimin.

Fran Frrokaj dyshohet të ketë kryer vepër penale shpërdorim detyre bashkë me punonjësit, por kjo nuk ndodh pasi shpërdorimi i detyrës nuk mund të kryhet në bashkëpunim.

Fran Frrokaj nuk kishte dijeni mbi falsifikimin pasi janë struktura të tjera që bëjnë verifikimin, dhe dokumentat në zyrën e tij jane të firmosura nga institucioine të tjera. Nuk ka vepër penale, Kryetari i bashkisë nuk verifikon dhe nuk mban përgjegjësi penale.

(E.K/FAXWEB.AL)