Në Krujë janë arrestuar 2 persona përkatësisht at e bir pasi nëpërmjet telefonit i kërkonin shuma të mëdha parash një 64-vjeçari.
DETAJE:
Specialistët për Krimet në Komisariatin e Policisë Krujë, në bashkëpunim me Prokurorinë për Krimet e Rënda Tiranë dhe Forcën e Posaçme Operacionale në Policinë e Shtetit, pas një hetimi me metoda speciale, kanë finalizuar me sukses operacionin e koduar ”Shtrëngimi”.
U ndaluan shtetasit, atë e bir konkretisht:
• Agim Çangu 46 vjeç, banues në Nikel, Krujë;
•Gentian Çangu 19 vjeç, banues në Nikel, Krujë;
Shtetasit e mësipërm, nëpërmjet mesazheve telefonike, i kërkonin shuma të mëdha parash (20000 €) shtetasit H.L. 64 vjeç, banues në Fushë – Krujë.
Shërbimet e Policisë pas një punë të mirëfilltë hetimore kanë bërë të mundur dokumentimin e plotë ligjor për këtë ngjarje.
Shtetasit e ndaluar, më datë 02.11.2017 nëpërmjet mesazheve telefonike i kanë kërkuar shuma atë mëdha parash shtetasit H.L. Janë gjetur dhe sekuestruar në cilësisnë e provave materiale: •4 aparate celularë; • 12 karta SIM të kompanive të ndryshme telefonike; • një armë gjahu (teke), kal. 12 mm dhe një gëzhojë arme gjahu, me kapsollë të goditur. Materialet i kaluan Prokurorisë së Krimeve të Rënda Tiranë për veprime të mëtejshme për veprat penale” Shtrëngimi me anë të kanosjes apo dhunës për dhënien e pasurisë” dhe “Prodhimi dhe mbajtja pa leje e armëve të gjuetisë dhe sportive” në bashkëpunim parashikuar, nga nenet 109-b , 25 dhe 280 të Kodit Penal.
