Pas orësh të tëra diskutimi Këshilli Bashkiak i Tiranës ka miratuar buxhetin e vitit 2017 vetëm me votat e këshilltarëve të mazhorancës.
Pas miratimit të planit urbanistik, rendi i ditës së kësaj mbledhje që nisi që prej paradites së të enjtes vijoi me diskutimet dhe votimin për buxhetin.
Buxheti në fjalë u kundërshtua nga këshilltarët e opozitës. Kreu i tyre, Leonard Olli u shpreh se, Veliaj ka shkelur ligjin, pasi nuk ka paraqitur të dhënat e buxhetit faktik dhe nuk ka bërë një bilanc të bashkisë.
“Sa i takon buxhetit, nëse do të ishte 1 prilli do të ishte një ditë normale për ato që u thanë. Ne kemi konstatur se do të hidhen 200 milionë për të ndërtuar një shesh në një zonë të thellë malore aty ku ka 10 banorë. Pjesa tjetër është një shkleje flagrante ligjore. Veliaj refuzon prej një viti të paraqesë të dhënat e buxhetit fatik dhe të bëjë bilancin e bashkisë. Nuk tha asnjë shifër”, tha Olli.
I pranishëm gjatë votimit ishte dhe kryetari i bashkisë Erion Veliaj, ndërkohë mbledhja e Këshillit Bashkiak nisi që në ora 10:30 të paradites së sotme. (A.R/SHUPLAKA)
