Këshilli Bashkiak i Tiranës ka miratuar buxhetin vjetor.
Në Këshillin bashkiak nuk ishin të pranishëm këshilltarët e Partisë Demokratike dhe Lëvizjes Socialiste për Integrim.
Mesa duket zhvillimet e fundit që kanë ndodhur në Kuvend, i kanë dhënë fund edhe historisë së bashkëpunimit mes PS-së dhe LSI-së në Bashkinë e Tiranës. Ditën e sotme teksa në Këshill diskutohet në lidhje me Buxhetin e vitit të ardhshëm për Tiranën.
Ajo qe vihet re është mungesa e këshilltarëve demokratë dhe atyre të LSI-së, duke nënkuptuar kështu edhe kundërshtinë që Veliaj do të përballet në 2 vitet e ardhshme të mandatit të tij në krye të Tiranës.
Erjon Veliaj, kryetari i bashkisw sw Tiranws, tha se falë miradministrimit, për të tretin vit rresht, buxheti vjen në rritje. “Fakti që ky është viti i tretë rresht që vijmë përpara Këshillit me një buxhet me rritje, besoj se na jep të gjithëve të drejtën të ndihemi krenarë për punën që kemi bërë, por, ç’është akoma më e rëndësishme, na jep arsye të ndihemi optimistë se viti që vjen do të jetë një tjetër vit i mbarë për Tiranën, me shumë punë, shumë projekte që do të na çojnë një hap më pranë objektivit tonë për të ndërtuar Tiranën e gjeneratës tjetër. Ky është padyshim kurorëzimi më i bukur që mund t’i bëhej një viti shumë të mirë për qytetin”, deklaroi Veliaj.
(F.M/Faxweb)
