Gjatë mbledhjes së sotme të Këshillit të Ministrave, u fol edhe për vendet vakante që do të jenë në dispozicion në institucionet e administratës shtetërore.
Këshilli i Ministrave miratoi planin vjetor të pranimit të 1082 punëtorëve të shërbimit civil për vitin 2017. Gjithashtu në vendim të Këshillit, thuhet se ndarja do të bëhet në bazë të kategorive. Për trupën e nëpunësve civilë të nivelit të lartë drejtues, planifikohen 10 vende; për kategorinë e mesme drejtuese, 85 vende; për kategorinë e ulët drejtuese, 312 vende dhe për kategorinë ekzekutive, 675 vende. (A.D/Shuplaka)
