Vendet evropiane pjesëmarrëse në Këshillin e Sigurimit të OKB-së, kanë dalë me një deklaratë të përbashkët dhe i bëjnë thirrje Izraelit të heqë bllokadën e Gazës.
“Ndihma humanitare nuk mund të përdoret kurrë si mjet politik apo taktikë ushtarake”, theksuan njëzëri vendet evropiane pjesë e Këshillit të Sigurimit në OKB.
Pesë vendet po i bëjnë thirrje Izraelit që të heqë bllokadën dhe të lejojë akses të plotë për OKB-në dhe organizatat humanitare për të shpëtuar jetë.
Gjithashtu përsëritën kërkesën për lirimin e menjëhershëm të pengjeve të mbetura të mbajtura brutalisht nga Hamasi.
“Këshilli i Sigurimit ka qenë konsistent dhe i qartë: Hamasi nuk mund të ketë asnjë rol në të ardhmen e Gazës dhe as të kërcënojë përsëri Izraelin”, raportojnë ata.
