Endira Bushati antare e kryesisë së Partisë Demokratike ftuar në Fax News për të diskutuar mbi mbledhjen djeshme të Këshillit Kombëtar të PD-së u shpreh se mbledhja ishte qesharake.
“Zoti Basha e hapi mbledhjen me një pikë të vetme miratimin e statutit. Këshilli Kombëtar është mbledhur 2 herë në katër vjet. Pas përpjekjeve tona, zoti Basha e pranoj, u propozua që të futej dhe analiza e zgjedhjeve të shkuara. Ka një raport analize në PD dhe nuk e ka parë askush. Pra pjesa më qesharake e mbledhjes ishte se askush nuk ishte dakord që të bëhej analiza e humbjes së zgjedhjeve. Mbledhja e djeshme ishte qesharake. Një shprehje thotë që sa më shumë t’a mbrosh aq më shumë qesharake bëhet. A mundet anëtarët që të thonë në mbledhje se nuk jemi këtu për të diskutuar analizën e zgjedhjeve? Ky statut çimentoj fronin e Lulzim Bashës si kryetar i Partisë Demokratike. Një statut që nuk parashikon se çfarë ndodh me kryetarin është një statut që vulos përjetësinë e tij.Nuk dihej nëse aty u morën vota sa duhet për të kaluar një vendim apo jo.
Ne donim që ta dikutonim në parim statutin. A mund të hidhet me votim një standart ne demokraci? Po të hidhej dje një vendim që: A t’a lëm 20 vjet kryetar Lulzim Bashën, përsëri do të fitonte ky vendim. Unë nuk e kam parë ndonjeherë, me të mjerë dhe më trishtuese sesa ditën e djeshme Partinë Demokratike. Mund të them që është fundi i asaj se çfarë është quajtur shtëpia e Lirisë.”
Ndërkohë që për sa i përket krjimit të një partie tjetër Bushati u shpreh se nuk jam në gjendje të them nëse do të krijohen parti të tjera.
“Nëse ka diçka që duhet të transmetojë opozita është pikërisht shpresa. Lulzim Basha është një kopjac i përpiktë i Edi Ramës. Ku do ta gjejë oponencën për këtë shoqëri, në një që sillet si Edi Rama!? Me këtë statut u vulos dhe humbja e zgjedhjeve të ardhshme. E pyeta zotit Basha me ç’forume e more vendimin për të bashkëpunuar me LSI, kush e mori vendimin? Dhe ai ju shmang pyetjes.
Unë mendoj se përderisa kohë janë të copëzura të gjitha palët humbin. Humb PD, humbin ato që duan të krijojnë parti dhe ato që besojnë tek kjo parti. Do të duhet një kohë e gjatë mbështes dhe idene e Topallit, që partia Demokratike duhet rithemeluar. Dorëheqja e zotit Basha është kushti që i hap rrugë kësaj. Për ti dhënë vendit një shpresë tjetër një alternativë tjetër.”
Discussion about this post