Ashtu siç u raportua edhe më herët, takimi i planifikuar për sot pasdite në orën 17:00 është shtyrë me dy orë, përkatësisht në orën 19:00 të m,brëmjes, ndërsa ende ka mosmarrëveshje mes palëve që përfaqësohen në Këshillin Politik të Reformës Zgjedhore.
Burime jo zyrtare bëjnë me dije për Fax News se palët kanë marrë më tepër kohë për të diskutuar për depolitizimin e administratës zgjedhore ndërsa nuk dihet nëse kjo kohë është e mjaftueshme për të përmbyllur diskutimet dhe gjetur marrëveshje dhe dakordësi deri në mesnatë kur edhe përfundon afati i vetëdeklaruar nga palët për përfundimin e këtij procesi.
Fax News ka mësuar se po diskutohet një formulë ku 3 komisionerët të jenë apolitikë dhe 4 të jenë vëzhgues politikë. Po ashtu, në rrugë shumë kofidencialë burime bëjnë me dije se palët kanë zbutur qëndrimet e tyre, ku është pranuar kërkesa e PD për identifikim biometrik në të gjithë vendin.
Pikat që kishin krijuar mosgjetjen e konsensusit mes palëve ishin, depolitizimi i administratës, teknologjia në zgjedhje si dhe ndryshimi i sistemit zgjedhor.
Duhet theksuar se për dy çështjet e para përplasja është hasur mes opozitës jashtë parlamentare dhe qevberisë, ndërsa në lidhje me sistemin zgjdhor, ka qenë deputetja Rudina Hajdari që e mbështetur nga shoqëria civili këmbëngul për arritjen e ndryshimit të tij duke futur luistat e hapura.
Hajdari ka pranuar për herë të parë mbrëmjen e kaluar se do të arrinte një dakordësi edhe për sistemin e listave gjysmë të hapura që sipas saj janë të m,bështetura edhe nga ndërkombëtarët, ndërsa Gjiknuri ka thënë në vahzhdimësio se një proces i tillë kërkon kohë dhe dotë merret parasysh vetëm nëse bien të gjithë dakord.
Përfaqësuesit e opozitës, përkatësisht, Oerd Bylykbashi dhe Petrit Vasili pas përfundimit të mbledhjes mbrëmjen e kaluar, u shprehën se përfaqësuesi i PS-së, Damian Gjikuri kishte hedhur poshtë propozimet e tyre për teknologjinë në zgjedhje, ndërsa vetë ky i fundit u shpreh se kishte ndjekur shembullin e rekomandimit të ODIHR-it, me vetëm 10 % të pajisjes së qendrave me votim biometrik dhe jo në të gjithë territorin.
Gjiknuri tha se nëse ODIHR ndryshon qëndrim për të testuar gjithë vendin, edhe Partia Socialiste do të binte dakord.
(F.GJ/FAXWEB.AL)
Discussion about this post