Këshilltari i LSI-së apel bashkisë së Tiranës: Qytetarëve nuk u kthehet përgjigje se mungojnë punonjësit, të zgjidhet sa më shpejt

Këshilltari i LSI-së në bashkinë e Tiranës, Eltjon Halimi i ka bërë apel bashkisë lidhur me një shqetësim të qytetarëve të kryeqytetit.

Halimi shkruan se ka patur mjaft shqetësime nga banorët, të cilët ankohen se bashkia u vonon duke arsyetuar se mungonin punonjësit me leje.

“Apel për zgjidhjen e shqetësimeve të qytetarëve!

Për të disatën herë kemi patur shqetësime nga banorë, të cilëve iu vonohen përgjigjiet nga Bashkia e Tiranës, me arsytimin e mungesës së punonjësve me leje.”, shkruan Halimi.

Më tej Halimi kërkon që këto probleme të zgjidhen sa më shpejt.

“Nisur nga përgjegjësia për qytetarët që përfaqësojmë, si dhe nga interesi për zgjidhjen sa më të shpejtë të shërbimeve që duhet të ofrohen në kohë dhe cilësi, kemi komunikuar me drejtuesit e Bashkisë, ku edhe pse disponimi i tyre ka qënë për zgjidhjen sa më të shpejtë të problematikës së hasur, përsëri qytetarët nuk kanë marë shërbimet e kërkuar.

Duke apeluar për zgjidhjen sa më të shpejtë të këtyre problematikave të hasura, besojmë që nuk do të përsëriten më në të ardhmen.”, shprehet këshilltari i LSI-së. (D.D/Shuplaka)