“Kur e pi mallin me tepsi fillon dhe flet përçart”. Me këto fjalë ka vendosur të kundërpërgjigjet edhe Emiljano Aleksi për akuzat e ngritura ndaj Metës nga Saimir Tahiri.
Sjellim në vëmendje që edhe pak minuta më parë deputetja e LSI-së Monika Kryemadhi i është kundërpërgjigjur “dhëmbë për dhëmbë” deklaratës së ish-ministrit të Brendshëm Saimir Tahiri.
Kryemadhi i ka dhënë një këshillë Tahirit dhe ka deklaruar : “Përshëndes Saimir Tahirin me këngën “Mos pi mall, bëj palestër”, Suksese në jetë, dhe shihemi më 26 Qershor”, shkruan Kryemadhi.
Po kështu deputetja ka postuar edhe këngën me këtë titull, ” Mos pi mall, bëj palestër”, të Ermal Mamaqit dhe të ndjerit Florian Kondit.
Por vetëm gjysmë ose pas deklaratës së LSI-së që akuzonte Saimir Tahirin për blerje votash në Vorë ka reaguar edhe ish ministri i Brendshëm.
Ai ka shpërthyer në akuza ndaj Presidentit të zgjedhur Ilir Meta duke thënë se u bë një kohë e gjatë që i binte më qafë.
“Unë e di që ti do vazhdosh të merresh me mua dhe s’po e postoj këtë mesazh që ti të heshtësh, por që ti ta dish se nuk do pushoj një minutë deri kur të mbarojë procesi i votimit që ti dhe kazani yt politik ta merrni atë që meritoni nga Tirana, Vora, Kamza, Kavaja e Rrogozhina!”, shkruan Tahiri ndër të tjera. Ai thotë se Ilir Meta ka paguar mediat që të dëmtohej imazhi i Policisë së Shtetit.
E para që foli kundër tahirit në emër të LSI-së është kandidatja e LSI-së për Tiranën Erjona Bixha e cila denoncoi dhunën që është ushtruar këto ditë në dëm të banorëve të Vorës që sipas saj janë bërë nga persona në bashkëpunim me ish-ministrin e Brendshëm Saimir Tahiri. Ajo theksoi se Tahiri po përgatit zonën dhe po ushtron presion ndaj banorëve
“Ndihem e indinjuar e befasuar që disa persona me anë të parave kujtojnë se mund të blejnë votat. Uragani i votave për LSI-në ka frikësuar personat.
Dua të denoncoj Agim Kajmakun i cili e ka shndërruar makinën e tij në një makinë të shpërndarjes së parave. Çdo natë organizojnë skemën e shpërndarjes së parave shtëpi më shtëpi.
Dy nipërit e tij, Edi Kajmaku dhe Ladi Kajmaku janë njerëzit më të besuar që përgatisin zonën dhe ushtrojnë presion. Ndërkohë shtetasi Rexhep Shehi që lëviz me ‘Benz C-Clas’ dhe Ledio Sorra me ‘Peugot’ mbulojnë shitblerjen e votave në Gjokaj dhe Picar.
Po ashtu Dritan Stoka, punonjës i ALUINI-t. I bëj thirrje edhe drejtorit të ALUIZNI-t që të shamngë shpërndarjen e legalizimeve në këtë periudhë për vota. Këta në bashkëpunim me ish-ministrin e Brendshëm Saimir Tahiri përgatisin zonën dhe ushtrojnë presion ndaj banorëve.
I bëj thirrje policisë së Shtetit që të marrin masat e duhur. Jemi në dijeni të gjithë veprimtarisë së tyre, të cilët kurrsesi me paratë e tyre nuk mund të blejnë votat e rinisë, grave dhe të gjithë banorëve të Tiranës. Vora e di shumë mirë që në 25 qershor të votojnë numrin 1”, u shpreh Bixha. (J.V/Shuplaka)
Discussion about this post