Këshilltari i kreut të Kuvendit Ilir Meta, Emiliano Aleksi, ka reaguar pas përfundimit të takimit mes negociatorëve të BE-së, Knut Fleckenstein dhe David McAllister me krerët e politikës, si përpjekje për t’i dhënë zgjidhje ngërçit politik.
“Sa më shumë të mbahen fjalime aq më i paktë është zotimi sepse kur nuk ka vepra konkrete, ka retorikë..!”, shkruan Aleksi.
Deri më tani, pas takimit i pari ka reaguar kreu i opozitës Lulzim Basha, i cili zbuloi se negociatat kanë dështuar pasi e vetmja gjë për të cilën opozita nuk bën kompromise është pikërisht qeveria teknike.
Ndërkohë pas tij ka reaguar edhe kryeministri Edi Rama, i cili nga ana e tij është shprehur se kompromis nuk bën për Vettingun. I vetmi që nuk ka reaguar deri më tani është kreu i Kuvendit dhe i LSI-së Ilir Meta. Ta ketë vallë me Ramën dhe Bashën Aleksi?
Rreth orës 19:00 të mbrëmjes së sotme, dy zyrtarët e BE-së Knut Fleckenstein dhe David Mcallister janë takuar veç e veç me Ramën dhe Bashën. Knut Fleckentein ishte me kryeministrin Rama dhe kreun e Kuvendit Metën, ndërsa David McAllister me kreun e opozitës, Basha. (D.D/Shuplaka)
Discussion about this post