Pas deputetes Monika Kryemadhi, një tjetër reagim vjen nga lidhur me deklaratën e kryeministrit Edi Rama për policinë një ditë më parë në Kuçovë, kësaj radhe nga Këshilltari i Ilir Metës, Emiliano Aleksi.
Përmes një postimi në Facebook, Aleksi i bën thirrje kryeministrit Rama të qëndrojë larg implikimit të policisë në Fushatë. Sipas Aleksit, deklarata e djeshme e ramës, i cili i bënte thirrje policëve të mblidhnin vota për PS-në jashtë orarit zyrtar të punës, përforcon bindjen se Rilindja është e gatshme të dëmtojë shtetin për pushtetin.
REAGIMI I ALEKSIT
Kryeministër, mbani duart larg nga implikimi i policisë në fushatë!
Kryeministër, Ju mund ta bënit këtë deklarate çoroditëse kudo, por fakti që zgjodhët qytetin tim Kuçovën ju rëndon edhe më shumë me faj.
Pikërisht implikimi i personave të tillë, sikurse e thatë Ju, paradite me kapele të bëjnë punonjësin e shtetit dhe pasdite punonjësin e partisë mbollën frikën dhe pasigurinë në atë qytet.
Kryeministër, kjo është shkalla më ekstreme e përdorimit të Policisë së Shtetit kundër lirisë së votës dhe parimeve, për të cilat ata duhet të jenë garant të një procesi demokratik më 25 qershor.
Ju nuk duhet të shfajësojeni për këtë gafë të rëndë me një status në rrjetet sociale, sepse ose ti nuk e ke kuptuar gabimin realisht, ose e nënvlerëson këtë institucion. Sepse dhe mënyra se si zgjodhët ti bishtnoni kësaj çështjeje ju bën dhe me shumë pis.
Pas Kampionit tuaj të Rilindjes, ministri i shkarkuar, e përdori policinë e inkriminuar për kultivimin e hashashit, Ju e bëtë gabimin më të madh duke e përdorur dhe shantazhuar për të ruajtur karrigen tuaj.
E tërë kjo përforcon bindjen se Rilindja, për të mbrojtur pushtetin është e gatshme ta dëmtojnë shtetin. Në mënyrë të pariparueshme! Prandaj për hir të shtetit, përmes mocionit të mosbesimit më 25 qershor Ju duhet të largohen nga pushteti. Në mënyrë të pakthyeshme! (D.D/Shuplaka)
Discussion about this post