Teksa takimi kokë më kokë i kryeministrit Rama dhe kryetarit të Kuvendit, Ilir Meta, vazhdon në Kryesinë e Kuvendit, është duke u zhvilluar protesta e atyre që janë kundër importit. Kreu i Qeverisë ka arritur t’i shmanget zërit të protestuesve kundër importit, të mbledhur përpara Kuvendit.
Krahas kësaj proteste, disa anëtarë të Shoqatës të Ricikluesve kanë protetsuar përgjatë bulevardit kryesor të Tiranës, ku kanë bërë thirrje që të hyjë në fuqi Ligji për Menaxhimin e Integruar të Mbetjeve që është thyer mbrapsht në Kuvend me dekret të Presidentit Nishani. Ata argumentojnë se hyrja në fuqi e këtij ligji do të mundësojë punësimin e qindra njerëzve dhe sigurisht do të rrisë ndërgjegjësimin për mbrojtjen e mjedisit.
Por përkundër kësaj proteste, ka reaguar Aleanca Kundër Importit të Plehrave (AKIP), e cila ka sulmuar ashpër: “Është hera e dytë që shoqata e ricikluesve del në protestë dhe asnjë nuk e kupton pse. Si mundet që një grup interesi të dalë në protestë?! Nuk mundet që një grup interesi me interesa të segmentuara legjitime, të dalë dhe ta kthejë me dashje si çështje publike, çështjen e financave të tyre.
Është njëlloj sikur ne, si përfaqësues të AKIP apo ju si qytetarë të thjeshtë të dilni në shesh dhe të protestoni për llogaritë tona, apo tuajat private bankare. Si grup interesi ata i kanë të gjitha instrumentet për të thënë fjalen e tyre dhe asnjë nuk ka polemizuar për këtë gjë, por zgjidhja që japim ne si AKIP, shkon pikërisht në përputhje me shoqatën e ricikluesve. Ne ushtrojmë presion para autoriteteve që të trajtohen mbetjet e territorit të Shqipërisë nga ndarja në burim deri te riciklimi – pra pikë për pikë, atë që kërkojnë dhe ricikluesit. I ftojme ata që mos të bëhen qesharakë duke bërë protesta, por të ushtrojnë presionin e tyre që të mblidhen dhe trajtohen plehrat e brendshme që është në interes të të gjithëve.”
Discussion about this post