Aktivisti dhe kryetari i organizatës “Reago” Leonard Dedej, deklaroi në studion e “natë me Xhaxhiun” në Televizionin Fax News se Shqipërinë e drejtojnë pesë persona dhe nuk është e thjeshtë të shkallmohen dyerty e tyre.
“Këtë vend e drejtojnë 5 veta dhe nuk është aq e thjeshtë që të shkallmojmë dyert e tyre. Kanë një far të drejte ata që shkojnë por si mund të lënë familjet, shtëpitë dhe vendin e tyre? Njerëzit janë shumë të varfër, shumë të lodhur, por nuk duhet ta humbasin shpresën. Jam rritur në Londër dhe punuar atje por më pëlqen kjo që bëj”, tha Dedej.
Ai tha se politkanët janë të gjithë njësoj dhe klasa politike shqiptare nuk garanton asnjë shpresë.
“Këta janë të korruptuar në shpirtë por nuk janë asgjë. Kjo klasë politike është e gjitha njësoj. Këta janë njerëz të parëndësishëm që nuk kanë lidhje me politikën. Parti politike ka me shumicë shoqata gjithashtu por duhet një frymë e fuqishme dhe transformuese që të bëjë të mundur transformimin”.
Sipas tij, shoqëria shqiptare është pesimiste dhe ka një shpjegim sepse ka qenë historikisht një popull shumë i zhgënjyer dhe i mashtruar. “Ata janë autorët e gjendjes në të cilën ndodhet vendi të cilët kanë mbushur xhepat me njerëz që manipulohen që nuk kanë lidhje me partitë politike. E kanë ngritur këtë sistem, e kanë ruajtur dhe tani duan ta shembin. Këta i mbajnë në këmbë militantët të cilët janë pjesa më kanceroze e këtij sistemi”, tha ndër të tjera Leonard Dedej.
Ai njoftoi se të shtunën e ardhshme do të organizohet një tryezë me të cilën kërkohet të krijohet një opozitë qytetare. “Nuk jam parti politike që del dhe blen njerëzit në rrugë, por që kërkon njerëz që besojnë dhe shpresojnë”.
https://www.facebook.com/faxweb.al/videos/296350367703485/
(F.GJ/FAXWEB.AL)
Discussion about this post