Një moment i pabesueshëm ka ndodhur pasi gjithçka shkoi keq gjatë lëshimit të një rakete, e cila shpërtheu në bordin e luftanijes gjatë ushtrimeve stërvitore.
Shpërthimi i raketës krijoi flakë të fuqishme në bordin e luftanijes gjermane “Saxony”. Daily Mail raportoi se ngjarja ndodhi afër brigjeve të Norvegjisë, duke plagosur 2 marinarë.
Në video shihet qartë edhe një ‘shi’ mbetjesh që bien mbi luftanije dhe në det pas shpërthimit të fuqishëm.
Autoritetet thanë në një njoftim për shtyp se luftanija po operonte në Arktik kur tentoi të lëshonte një raketë standarde në kuadër të stërvitjeve.
Pas dhënies së komandës, raketa shpërtheu në bordin e anijes si pasojë e një defekti, por fatmirësisht në luftanije u aktivizua menjëherë sistemi spërkatës dhe zjarri u vu nën kontroll.
Discussion about this post