Moderatori i njohur Alban Dudushi ka rrëfyer disa detaje të veçanta nga jetë e tij si edhe rreth raportit që ka me të bijën e cila quhet Joelle.
Ai ka treguar edhe njëherë se për babain shqiptarë vajzat janë pikat e dobëta të tyre, të cilat sado që të rriten mbeten gjithmonë femijët e tyre.
Gjatë një interviste moderatoret e kanë pyetur nëse Joelle i ka rrëfyer ndonjë ngacmim që i kanë bërë çunat të bijës, apo nëse ajo i rrëfen atij pëlqimet që ka.
“Ka qenë njëherë, që më ka thënë për një çun që e ngacmonte dhe i kam thënë do ma tregosh kush është ai djali se do e takoj unë atë. Dhe i mbushi mendjen tim vëllai që i thuaj babit të mos shkojë se më vjen turp pastaj mua. Por ai nuk e ngacmoi më dhe natyrisht këto janë momente që ufff”, – tha ai në emisioni “Thumb”.
“Për pëlqimet bëjmë muhabet ne, shumë mirë për këto, është një pjesë që unë nuk dua të mungoj tek ajo, nuk dua të mbajë të fshehta nga unë. Dhe këtë ia kam thënë. Në flasim për të gjitha gjërat me njëri-tjetrin.
Deri tani mesa më ka thënë, nuk e di sa më thotë të vërtetën se mund edhe të më gënjejë, por nuk ka asnjë pëlqim që të ketë vazhduar më tej. Por natyrisht që edhe ajo më ka shprehur simpatirat. Gjëja më e habitshme është se ju vajzat gjithmonë më befasoni. Para pak ditësh më erdhi me një libër historie në dorë. Kishin bërë një kapitull që fliste për Bashkimin Sovjetik. Në libër ishte një fotografi e Stalinit i ri. Dhe kjo thotë: shiko o ba sa i bukur ka qenë ky. Ky gjithmonë ka qenë i shëmtuar dhe jo vetëm kaq po ka qenë edhe i tmerrshëm i thashë, kështu që harroje”, – ka treguar moderatori.
(F.GJ/FAXWEB.AL)
Discussion about this post