Këpucët janë një pjesë shumë e rëndësishme e veshjes të çdokujt. Ashtu siç thonë: “Në takimin e parë një person shikohet gjithmonë nga këpucët”.
Çdo sezon shtëpitë e modës prezantojnë modele të reja këpucësh, por ato që kanë rrëmbyer zemrat e vajzave janë pikërisht Christian Louboutin nude, të cilat kushtojnë përafërsisht 700$. Ato nuk mungojnë në garderobën e vajzave që ndjekin modën pasi veç faktit sesa të rehatshme mund të jenë, ato mund të kombinohen me veshje të ndryshme.
Vetë ngjyra dhe modeli i tyre i bën të përshtatshme me çdo veshje. Nga një lundrim në Instagram kemi vënë re se shumë prej vajzave të shoëbizit shqiptar i kanë bërë pjesë të pandashme të veshjes së tyre këpucët Louboutin. Madje siç do të thoshim ne shqiptarët: “Nuk i heqin nga këmba”.
Fillimisht Louboutin ka prezantuar koleksionin nude në vitin 2013 por edhe pas 5 vitesh ato vazhdojnë të jenë mjaft in. Është e sigurt që ky model nuk do të dalë asnjëherë nga moda.
Më poshtë mund të shihni disa prej personazheve shqiptarë që i kanë këto këpucë pjesë të koleksioneve të tyre.
/Blitz.al/
