Këshilli i Evropës ka raguar në lidhje me djegien e mandateve nga deputetët e opozitës.
“Parlamentarët e kanë vendin në Parlament dhe opozita të rishohë vendimin për djegien e mandateve. Në një shoqëri demokratike, parlamenti është qendra e debatit politik, dialogut dhe diskutimit“, shkruhet në deklaratën e raportuesve për monitorimin e Shqipërisë në Asamblenë e KiE, Andrej Hunko dhe Joseph O’Reilly.
Këshilli ju bën thirrje palëve të kapërcejnë situatën në të cilën ndodhet vendi dhe të vendosin stabilitetin politik.
Një apel të ngjashëm bëri sot dhe ambasadori i BE-së në vend, Luigi Soreca i cili u shpreh se:
Vendimi për të djegur mandatet mund të kishte krijuar një paqartësi në vend. Do duhet kohë përpara se të vijë kjo siguri nga KQZ. Ja përse thamë se djegia e madateve do të ishte kundërprodhuese për demokracinë.
Pritet që një përfaqësi e Komisionit parlamentar të BE-së të vijë në Shqipëri ku do të zhvillojë një sërë takimesh me përfaqësues të qeverisë opozitës dhe shoqërisë civile. Ata do të bëjnë një vlerësim të situatës së përgjithshme në vend para diskutimit të qershorit për çeljen e negociatave BE-Shqipëri.
