Javën e fundit mediat e huaja shkruajtën se lideri komunist i Koresë së Veriut, Kim Jong-un është në gjendje kritike për jetën pas një operacioni në zemër.
Por mediat e huaja kanë shkruar se sipas një profesori të politikës ndërkombëtare në Universitetin e Pekinit, Francesco Sisci, Kim Jong-un mund të ketë vdekur.
Të gjitha sugjerimet dhe pretendimet vijnë pas lajmeve se lideri i Koresë së Veriut më 12 prill i është nënshtruar një operacioni pas një ataku në zemër.
“Udhëheqësi i Koresë së Veriut Kim Jong-un tashmë mund të jetë i vdékur.”- ka deklaruar profesori agjencisë Adnkronos.
Kur është pyetur se a pritet një njoftim zyrtar nga Pyongyang, ai përgjigjet: Askush nuk e di, mund të duhen ditë, por edhe muaj.
Por çështja e madhe është se nëse është e vërtet vdekja e Kim, kush do e marrë pushtetin, në një vend ku deri më tani pushteti është trashëguar brez pas brezi. Por emri i vetëm dhe më i besueshëm që mund të zëvendësojë Kim është motra e tij.
“Motra, Kim Yo Jong, është kandidatja kryesore, por ajo është shumë e re dhe është grua.”– ka thënë Sisci.
Ndërkohë Kina ka dërguar një ekip me ekspertë mjekësorë në Korenë e Veriut për të këshilluar mjekët atje lidhur me kurimin e udhëheqësit Kim Jong-un.
Discussion about this post