Kina e cila u përball rëndë me pandeminë globale të shkaktuar nga koronavirusi duket se ka filluar të ringrihet.
Pas 3 muajve në izolim vendi aziatik nuk po humbet kohë dhe ka filluar investimet marramendëse në ndërtimin e një kompleksi sportiv prej 1.7 miliardë dollarësh.
Ekipi i Shoqatës së Futbollit kinez, Guanzhou Evergrande, nisi një projekt prej 1.7 miliardë dollarësh, për ndërtimin e stadiumit më të madh të futbollit në botë, i cili pritet të përfundojë deri në vitin 2022, duke treguar kështu optimizmin e qeverisë për rifillimin e mbledhjet masive të njerëzve.
Mega Stadiumi është parashikuar të përfundojë në vitin 2022, në mënyrë që të shërbejë në Kupën e Azisë 2023. Kjo është një shenjë që kampionati dhe ngjarjet sportive në Kinë do të rifillojnë pa kufizime distancuese sociale deri atëherë.
‘Stadiumi Evergrande do të kthehet në një pikë referimi të ri të klasit botëror, e krahasueshme me Operën në Sidni dhe Burj Khalifa në Dubai, dhe një simbol i rëndësishëm i futbollit kinez për botën.’ tha Xia Haijun, presidenti i Evergrande.
Discussion about this post